Bóas: 04/01/2002 - 05/01/2002

Spurning: Er rétt að setja lögbann á myndina "í skóm drekans"
Niðurstöður voru eftirfarandi. Já: 34% Nei: 58% Alveg sama: 6%.
Fólk sem er stríðið og hefur lesið skoðanir mínar á þessu máli ýtir greinilega á nei bara til þess að vera á móti mér. Ég þoli ekki fólk sem er alltaf á móti. Þessar skoðannakannanir eru ekkert joke. Ég hef því sett inn nýja spurningu og ætla ég ekki að upplýsa um skoðanir mínar á efni hennar. ha ha ha ha.

Stærðfræði: Þá er það fullreynt. Ég hef eytt of miklum tíma í dag við að leysa reiknisdæmið sem birtist aftan á mogganum í dag. Ég get ekki leyst það. Það verður bara að viðurkennast. Þetta eru nokkur vonbrigði fyrir mig þar sem ég hef átt ágætum árangri að fagna í almennri stærðfræði. Hvað ætli þetta dæmi gildi mikið. Eins og ég segi ef ég get ekki leyst það hvernig á þorri 10.bekkinga að eiga möguleika á því. Hvað vita þau sem ég veit ekki...

* * * * * * * * * * * * *
Arnar félagi minn úr F.B. hefur hafði blogg og er það vel. Þetta er almennt skemmtilegur strákur en ég hitti hann um daginn og hann var bara með stæla við mig og sagði að ég væri leiðinlegur bloggari. Sagði meðal annars: "ef þú hættir ekki að blogga um vísindavefinn þá drep ég þig". Það er ekki oft sem maður fær morðhótanir og sjaldgæft að bloggið manns hafi svona mikil áhrif á fólk. En í framhaldinu hef ég algjörlega steinhætt að blogga um vísindavefinn, því ekki vil ég nú vera drepinn af litlum húsgagnasmið sem kenndur er við rokk og 6 ár. En semsagt ég bíð bara sallarólegur eftirir gullmolunum sem Arnar hefur upp á bjóða þeir hljóta að vera ROSALEGIR.

Sannleikur: Bara svo þið hafði það á hreinu þá er ekki neitt einasta mark takandi á kenningum geðlæknisins Sigmunds Freuds. Það er alveg klárt mál að ekkert af því sem einkennir kenningar hans stennst ígrundaða skoðun. Hafið þetta hugfast og ef einhver reynir að sannfæra ykkur um annað sendið hann til mín og ég mun rassskella rökin hans. Ég veit nefnilega allt of mikið um Freud...því miður...

Frelsarar hafa búið til tæki sem telur peninga.

Árni diplómat: Kallinn veit sko hvað hann syngur, hann svarar manni ekki með löngum rökræðum. Hann bara er jákvæður og fullur af iðrun og heldur samt í sitt. Það er alltaf merkilegt hvað slíkt nær alltaf í gegn. Förum ekki fram úr okkur sjálfum , mætumst á miðri leið gerum það sem við kunnum og komumst að niðurstöðu sem allir geta verið sáttir við...ég er sáttur en þú...já ert þú sáttur...já ég er sáttur... fínt allir sáttir.

Vandræði með blogger: Ég var að fatta það að nú hafa fyrstu bloggin mín þurkast út úr archives hérna á blogger. Getur einhver fróður útskýrt fyrir mér hvað er hér á seiði. Ég taldi að archives þýddi skjalasafn og þar myndu skjölin mín safnast saman. Hvað á þetta eiginlega að þýða.... svar óskast...

Miskilningur: Árni er eitthvað að býsnast yfir óréttlæti heimsins. Þykir honum m.a. heimur sinn í raunvísindadeild vera betur til þess fallinn til að stuðla að nýsköpun og nýbreytni en það er auðvita argasta vitleysa og tjara.

Það er alltaf gaman að því þegar námsmenn fara að líta það mikið upp til sjálf síns og bókanna sem þeir eru að lesa að þeir verða blindir fyrir því að aðrir námsmenn með aðrar bækur eru að gera sambærilega góða hluti. Árni segist ætla að eyða miklum tíma í þetta verkefni sitt og að það sé alvara á ferðinni. úff frábært. Ef tími og alvarleiki er allt sem þarf til að stunda nýbreyttni þá er ég að stunda nýbreytni þegar ég sef, því ég eyði miklum tíma í það og tek það mjög alvarlega.

Ein ábending að lokum. Styrkirnir sem fara til tækniverkefna geta t.a.m. að mestu notaðir til tækjakaupa. Sko í sálfræði þar sem ég þekki til væri hægt að gera últra meiriháttar tilraunir ef fjármagn fengist til að kaupa tæki og tól. Það segir sér sjálft að slíkt sé eftirsóknarvert þegar menn stunda rannsóknir og skiptir þá engu hvor meginn suðurgötunar menn lesa bækur.

Árni hefur fengið áminingu bréfleiðis og nú bloggleiðis. En til öryggis hvet ég fólk til að fylgjast með honum og áminna hann ef hann fer aftur að þjást af ranghugmyndum og mikilmennsku brjálæði.

Í skóm drekans: Til hamingju allir Íslendingar. Réttur til einkalífs er mikilvægari en ósamþykkt þátttaka í listaverkum misjanflega hæfileikaríkra listamanna. Þetta er sú niðurstaða sem ég var að vona eftir. Ég er þeirrar skoðunar að maður verði að gefa leyfi sitt til að vera þátttakandi í svona flippuðu verkefni. Hrönn sjálf gaf sitt leyfi hví ekki allar hinar.

Það er bara svo að það er ekkert mál að gera heimildamynd um fegurðarsamkeppnir og fletta hulunni (ef það er þá einhver hula) af þessum keppnum. Að mínu viti eru þessar keppnir alveg gegnsæjar og í raun ekkert sem vert er að fjalla um. Já, þetta er fake og það er verið að dæma eftir útliti en ekki innihaldi. Já, þetta er steikt og fyndið að hægt sé að öðlast einhverja ómetanlega reynslu fyrir lífið með því að tipla á nærfötum upp á sviði. Já, þær setja sílikon á tennurnar til að geta brosað svona lengi o.s.frv.

Fyrir Hrönn og félaga eru þetta einföld skilaboð, bara að spyrja fólk fyrst: Má ég búa til bíómynd um þig. Hvert yrði þitt svar.

Í Biblíunni eru margar góðar sögur. Þetta er valinn kafli úr einni klassískri.

Er Bóas hafði etið og drukkið og var í góðu skapi, þá fór hann og lagðist til hvíldar við endann á kornbingnum. Þá kom hún hljóðlega, fletti upp ábreiðunni til fóta honum og lagðist niður. En um miðnætti varð manninum bilt við, og er hann settist upp, sjá, þá lá kona til fóta honum. Og hann sagði: "Hver ert þú?"

Velkominn: Ég býð sjálfan mig alveg kærlega velkomninn á nagginn... hmm já þakka þér fyrir. Það fyrsta sem ég vil gera er að þakka Agli fyrir þjónustuna og dugnaðinn. Í öðru lagi vil ég hvetja nýjan lesenda hóp til að blaða í gegnum færslurnar mínar því það getur veit ykkur mikla gleði og ánægju.... Og þess vegna er maður einmitt að þessu bloggi. Fyrir aðra. Ég er mannvinur því ég blogga. Ójá.

Nei heyrðu nú mig: Þetta er ekki hægt. Vilhjálmur Egilsson (D) sem gegnir áhrifamiklum trúaðarstörfum og er sitjandi formaður efnahags- og viðskiptanefndar Alþingis segir í visi.is að það sé bara í lagi að TAPA 20 MILLJÖRÐUM. Ég vil kosningar. Ég sting upp á nýstárlegri útfærslu á lýðræðislegum kosningum. Ég vil fá að geta kosið menn út af þingi. Slíkt fyrirkomulag myndi halda mönnum við efnið og stöðva svona bullsjóðandi vitleysu.

Maður sem hefur efni á því að tapa 20 MILLJÖRÐUM hefur efni á því að vera atvinnulaus...

Baráttan við báknið: Gaman er að sjá að skipulagsmál og ákvarðanir þeim tengdum eru ekki bara álitamál í reykjavík í kringum kosningar. Frábært er þegar einstaklingar taka það upp á sitt einsdæmi að kljást við skriffinskubáknið með sannfæringuna að leiðarljósi. En eins og sagt hefur verið... there isn't always the cristmas...

Geisladiskar: Einn góður punktur í viðbót sem ég stel annarstaðar frá. Hvers vegna að borga afritunargjald af geisladiskum til tónlistamanna ef síðan ekki er hægt að afrita efnið þeirra. Það voru að mig minnir settar einhverjar álögur á skrifanlega geisladiska sem renna beint til STEF. En hvers vegna þá að læsa tónlistardiskum. Eru neytendur ekki í dag nú þegar að borga ákveðinn skatt til tónlistarmanna fyrir það eitt að fá að eiga skrifanlega geisladiska.

Geisladiskar: Mér þykir soldið skrítið að nú eigi að takmarka notkunar möguleika á geisladiskum. Menn eru svo hræddir við afritun að nú er að fara í gang ferli sem gerir fólki ómögulegt að spila geisladiskana sína í tölvum. Vissulega er fullkominn afritunartæknin nokkuð útbreidd í dag. En ef menn draga úr notkunarmöguleikum með þessum hætti hljóta nýjir hljómdiskar að þurfa að lækka í verði og á ég nú eftir að sjá það, varan er ekki eins nothæf og hún var í gær.

Skammt er að minnast hræðsluárróðs ræðu sem haldin var á Grammy verðlaununum síðustu þar sem fólk var húðskammað fyrir að féflétta skapandi tónlistamenn með því að afrita tónlist í tölvum. Ég fyrir mitt leyti stunda þetta ekki mikið en ef ég gerði það þá myndi ég seint fá samviskubit. Ég nota videotækið mitt t.d. töluvert til að afrita ýmiskonar efni sem bundið er höfundarétti en ég fer á saman tíma töluvert í bíó og á videoleigur.

Fyrir mitt leyti mun þetta bara algjörlega koma í veg fyrir að ég kaupi mér geisladiska. Ef ég get ekki notað þá í 150 þúsund króna margmiðlunar græjunni minni, þá leita ég bara annara leiða til að nálgast þetta efni. Málið er að ég mun nota margmiðlunargræjuna mína til þess að spila tónlist sama hvað sem framleiðendur segja.

Einnig finnst mér framleiðendur neita staðreyndum. Það skiptir ekki máli þó menn geti læst geisladiskum. Nútíminn þarf ekki geisladiska. Framleiðendur verða að fara að selja og miðla sínu efni í gegnum netið á einn eða annan hátt. Internetið er sú leið sem hljóð og mynd mun miðlast í gegnum innan fárra ára og framleiðendur hljóta að sjá að þar er markaðurinn hvað móttækilegastu. Hvers vegna að reyna að synda á móti straumnum.

Vér mótmælum allir: Skráið ykkur á listann nema að ykkur finnist sniðugt að menn séu að veðja með skattpeningan ykkar. Ég sting í framhaldi upp á því í að þingmönnum verði afhentir matadorpeningar ásamt undirskriftalistanum. Þeim vantar greinilega leikföng og telja peninga vera þess konar tæki. Í guðan bænum látum þá fá gervipeninga í stað skattpeninga.

Dúfur og Tölvur: Kennari minn í sálfræðinni yppti öxlum þegar ég sagði honum eitt sinn að ég hefði áhuga á að mennta mig á sviði er tengdist sálfræði og tölvum. Hann sagði eitthvað á þá leið...sálfræði og tölvur það er nú svo ólíkt og varla hægt að finna sameiginlegan flöt á þessum fræðum.

Ég hef síðan sannfærst mörgum sinnum og hvað hann hafði rangt fyrir sér. Hér er gott dæmi um að tengslin geta verið skuggalega mikil. En B.F. Skinner er meðal frægustu sálfræðinga síðustu aldar ef ekki sá allra frægasti. Google er á sama tíma vinsælasta og besta leitarvél í heimi.

Kosningar: Ef rétt er að fólk sé að prómótera flokkinn sinn með þeim hætti að láta skríbenta skrifa fyrir sig og framleiða skoðanir þykir mér lýðræðið og skoðanafrelsið vera að deyja. Ef fólk getur ekki komið sínum eiginn hugsunum í skrifað mál og komið þeim skrifum svo á framfæri við fjölmiðla þá á fólk ekki mikið að vera gefa sig út fyrir að hafa skoðanir á málunum yfir höfðu.

Það að leigupennar flokkana séu að dæla út áróðri í formi lesendabréfa og hengja þau á flokksholt fólk sem getur ekki komið hugsunum sínum á blað er sogleg þróun og ódýr blekkingaleikur.

Skarpir menn hafa lengi vitað að stjórnmálamenn meina ekki allt sem þeir segja. En að einstaklingar út í bæ séu líka heilalaus viðrini og það viljalaus að sumir láta aðra um að búa til skoðanir fyrir sig. Ég fyrir mitt leiti hef aldrei verið sammála síðasta ræðumanni og hefur það stundum ollið mér nokkrum vanda. En að skrifa undir óútfyllta skoðana ávísun í vinsælum fjölmiðlum líkt og morgunblaðinu hlýtur að vera verra og draga úr trúverðugleika þeirra einstaklinga sem þetta stunda.

Ekki láta blekkjast af reiðum og réttlátum lesendabréfum í framtíðinni. Það virðist vera búið að gengisfella þennan miðil með almannatengsla skrifstofum og kosningaplöggi þannig að algjörlega er óvíst hver skrifaði og í hvaða markmiði.

En í framhjáhlaupi þá vantar mig oft pening og því býð ég mig hér með fram til að aðstoða einhvern skoðanalausan og ritviltann vitleysing. Ef þú hefur enga skoðun þá skal ég búa þær til fyrir þig. Aðeins 1000 kall málsgreinin.

Morfís lok: jamm og jamm, MHvann. Enginn skandall svo sem. Þeir eru með gott lið. Mínir menn stóðu þó vel fyrir sínu og héldu MH-ingunum alveg vel við efnið. Keppnin var að mínu mati á ágætum standard og stemmningin í háskólabíó var góð. Ég skil við morfís lið FB bara nokkuð sáttur og hér eru nokkrar staðreyndir sem ég hugga mig við...

* í fyrra var FB ekki með lið í keppnin, þetta árið keppir FB til úrslita um sigursætið og tapar naumlega. Þar af leiðandi skila ég af mér miklu betra búi en ég tók við.

* Allir ræðumenn FB eru busar, það að koma busaliði í úrslitaviðureignina hlýtur að vera einsdæmi í sögu morfís. Þess vegna er ekki hægt annað en að vera stoltur af framistöðu þeirra í gær.

* Mér þykri alltaf hægt að meta undirbúning og einbeitni að einhverju leiti út frá refsistigum, þó svo að þau hafi sjaldnast áhrif á niðurstöðu keppninar. MH-ingar fengu 5 refsistig sem er ekki mikið, en FB-ingar fengu enginn sem er betra.

* Í vináttukeppni við MH í haust tapaði FB með rúmlega 500 stigum. Ég gerði breytingar á mannskap og liðið tapaði í gær með 40-60 stigum sem þykir ekki mikil munur þegar heildarstig eru gefin um 2600 og skiptast nokkuð jafnt á milli liða.

* Á leiðinni í úrslitakeppnina þurfti FB að vinna MA og Versló en þessir skólar áttust við í úrslitum í fyrra og byggja á mikilli hefð í morfís keppnum. Það var því enginn grís að FB fór í úrslit og strákarnir sýndu það í gær að þeir eru drullu góðir ræðumenn.

* FB tapaði ekki vegna þess að þeir stóðu sig illa heldur vegna þess að andstæðingurinn var mjög góður og átti góðan dag. Má í þessu samhengi segja að MH hefur ekki unnið keppni með svona litlum mun í allan vetur. Því má segja að FB hafi verið eina liðið í vetur sem staðið hefur í MH strákunum.

* Það er gott að tapa fyrir góðu lið eins og MH, til hamingju strákar.

* Aldrei hef ég verið ræðumaður í Morfís keppnum. Ég hef bara komið að þessu sem liðstjóri eða þjálfari. En vinningshlutfall mitt hlýtur samt að vera nokkuð gott. Fyrir keppnina í gær var vinningshlutfall hjá þeim liðum sem hef komið nálægt í morfís 100%. Ég hafði komið nálægt 7 keppnum og unnið þær allar. í gær minnkaðið þetta hlutfall aðeins en þó hlýtur það að vera með því betra sem gerist í þessum efnum.

Morfís: Öll vötn renna að háskólabíó í kvöld. Stemmning heyrist mér vera fyrir þessum atburði þannig að búast má við rafmögnuðu andrúmi. Ég væri alveg til í að sitja heima og slappa af með bjór í hendi í stað þess að mæta þarna og hristast af stressi. En ætli ég geymi ekki bjórinn samt.

Ég hefði aldrei trúað því að það tæki svona mikið á að standa á hliðarlínunni sem þjálfari. Þegar ég var í ræðuliði, lék í leikriti eða spilaði með hljómsveitum varð ég aldrei var við stress af þessu tagi. Maður situr og svitnar, svitnar meir og fylgist með viðbrögðum fólksins í kringum sig. Algjörlega ófær um að hafa áhrif á framvindu þess sem er að gerast á sviðinu.

...og þetta er bara lítil ræðukeppni í menntaskóla. Hvernig ætli þeim þjálfurum líði sem stýra liðum sínum í heimsmeistarakeppnum í fótbolta eða NBA svo dæmi séu tekin. Þetta hljóta allavegana að vera menn með betri bein en ég. Því þegar flautað er til keppni er ég sem ónothæfur aumingi út í sal með kúkinn í buxunum....

Morfís: Það er vægast sagt sérkennileg tilfining að vera að aðstoða strákana í ræðuliði F.B. þessa dagana. Þeir eru að reyna sitt besta til að ná árangri í úrslitakeppninni en lítið verður vart við áþreifanlegan stuðning frá skólanum til að auðvelda þeim lífið. Nægir að nefna að erfiðlega hefur gegnið að ná í framámenn nemendafélagsins til redda strákunum fæði yfir þessa viku törn og svo þykir mér alveg stórmekilegt að á heimasíðu F.B. er ekki einu orði minnst á þennan stór atburð. Og þetta er stór atburður sem sýndur verður í beinni í sjónvarpi. Skólinn ætti að vera stoltur og gera allt fyrir þessa stráka.

Ég veit reyndar ekki hvort búið er að setja upp auglýsingar á veggjum skólans en í síðustu keppni voru auglýsingar ekki hengdar upp fyrr en á fimmtudegi, þegar keppnin fór fram á föstudegi. Og það var að stórum hluta vegna þess að ég mætti á fund með aðstoðaskólameistara og fulltrúa nemandaráðs og benti þeim á þann augljósa sannleik að fólk mætir ekki á ræðukeppni ef það veit ekki af ræðukeppni.

Aðeins einu sinni áður hefur skólinn náð þeim árangri að keppa í úrslitum morfís. Það er því full ástæða til að skólinn og nemendafélagið sýni það í verki að þeir séu ánægðir með þennan stórmerkilega árangur sem ræðuliðið þetta ár hefur náð. Það verður að búa til spennu og eftirvæntingu innan skólans til þess að það sé gaman að þessu. Hinn almenni nemandi veður að vita að skólinn er búinn að ná frábærum árangri í vetur í Morfís og að nú sé það allt eða ekkert. Því miður verð ég var við allt of mikið ekkert í þessu samhengi. Er ég gamall og neikvæður eða á umræðuefni keppninar við í þessu samhengi: Heimur versandi fer.

Kosningar: Eru frambjóðendur á framboðslistum Listamenn ?

Morfís fréttir: Eftir rúmlega 12 tíma samningaviðræður og stapp við hina ógurlega skemmtilegu stráka í MH náðist niðurstaða. Umræðuefnið mun vera "Heimur versnandi fer" MH með, FB móti. Þannig er nú það.

Morfís: Er nú að hefjast undirbúningur fyrir úrslitakeppnina í Morfís 2002. Verður úrslitakeppnin haldin í Háskóla bíó næsta föstudag kl 20.00. Ræðulið FB mætir Ræðuliði MH. Einnig verður hún víst sýnd á Skjá einum, en ég veit ekkert hvort það verður beint eða ekki. Umræðuefni: ákveðið seinna í dag.

Nei ég er ekki í F.B. enþá og er ekki svo mikill morfís aðdáandi að ég sé alltaf að fylgast með þessun. Nei ástæðan er sú að ég hef verið að þjálfa strákana í F.B. í vetur. Þetta verður því fjórða vikan sem við eyðum saman yfir pizzum og kaffi. Fyrir óreynda þá skal upplýst að undirbúningur í Morfís keppnum er einstaklega utangarðs, þetta einkennist aðalega af því að detta úr tengslum við samfélag manna og eyða öllum sínum tíma með nokkrum ræðunördum talandi um ræður og rök, kjaftæði og trúmál, auk klassískra spurninga s.s. Hver kom á undan; hænan eða eggið.

Í þessu samhengi hef ég hef verið að velta því í alvöru fyrir mér hvort ég hafi ekki náð of góðum árangri með þetta lið. Ég ætlaði mér alla vegana aldrei að eyða fjórum vikum innilokaður fyrir framan tölvu með 3 busum með bólur og Páli Ármann. Það er allavegana bót í máli að þær geta ekki orðið fimm. Nema að þeir biðji mig um að þjálfa þá áftur á næsta ári. En common ef ég er ekki búinn að sannfæra þá um að ég sé leiðinlegur og að mér finnist þeir leiðinlegir þá hefur mér ekki tekist að koma neinu inn í hausin á þessum fíflum. En eins og einn ræðunörd átti til í að segja um árið "meira pönk"

Ríkisábyrgð er fáránleg. Jafn fáránleg og að fá rán séu framinn í bank robbers city.

Ríkisábyrgð: Á maður að trúa því að það sé bara einn maður með viti á þingi. Ríkisábyrgð er fáránleg og en fáránlegra er að fáir skulu þora að segja það. Þetta segja sérfræðingarnir. Þetta segir Egill. En þingheimur ætlar að segja já vegna þess að Kári er svo frábær.

Í sambandi við Decode vil ég líka benda á að allt snýst þetta um vonir og væntingar. Samkvæmt mínum upplýsingum hafa lyf aldrei verið framleidd með þessari aðferðafræði, þ.e. með því að þróa lyf út frá genum. ALDREI. Það þýðir að menn vita ekki einu sinni hvort það er almennilega hægt. Og ef það er hægt vita menn ekkert hvenær það verður hægt.

Þetta þýðir að það er enginn vara til eða á leiðinni. Um það hvenær hún verður til og hvenær hægt verður að græða eru bara ágiskanir og finnst mér að ríkið eigi ekki að setjast í stól spámanna í því efni. Fyrirtæki og fjárfestar mega taka mikla áhættur í viðskiptum ef þeir vilja. En ríkið á að halda að sér höndum þegar um áhættufjárfestingar er að ræða. Það er ábyrgðarhlutverka að segja nei við þessu frumvarpi. Ábyrgðarhlutverk sem þingmenn voru kosnir til að sinna.

Tapas bar: Þessi veitingastaður fær 5 stjörnur af 5 mögulegum. Ég fór óvart þarna um daginn. Maturinn er ótrúlegur svo ekki sé meira sagt. Við erum að tala um humar, nautalundir, appelsínuönd, og...KOLKRABBA. Litlir og endalaust bragðgóðir réttir. Spurningin er bara hvort ég hafi étið Kolkrabba eða Kolkrabbann...

Það er ekki oft sem ég dásama veitingastaði en þessi Tapas er fyrsta flokks. Og N.B: ég vinn ekki þarna, þekki engan sem vinnur þarna og veit ekki um neinn sem hefur farið þarna áður. Hér er ég aðeins að gefa ókeypis góð ráð. Hef ekki fengið betra bragð í munnin síðan ég át hvalkjöt á Þremur frökkum fyrir nokkrum árum.

Bakþankar: Björgvinn hefur greinilega lesið bloggið mitt um daginn því pistill hans á baksíðu fréttablaðsins í dag er feikigóður. Maður finnur bara til sín yfir þessum áhrifum sem maður er að hafa út í samfélagið. Maður ýtir bara á takka hérna í kjallara íbúð í efra-breiðholti og með því örvar maður fólk til dáða út í bæ.

Hrekkur Guðs: Ég var að lesa blogg og rakst þá á þessa frábæru sögu.

Í skóm drekans: Ekki hef ég en fengið svar frá skríbentum Persónuverndar og er ég orðin doldið þreytur á biðinni. Kannski að ég fari að senda þeim skorinortari fyrirspurn. En frétt birtist í á visi þess efnis að frumsýning væri fyrirhuguð fljótlega á myndinni frægu sem enginn hefur séð.

Þetta er náttúrulega bara auglýsinga frétt set saman af einhverjum félaga Hrannar. Frasar eins og: "Eftirvæntingin eftir frumsýningunni hefur stigmagnast eftir því sem umræðan um lögbannið hefur orðið meiri og þeim fer stöðugt fjölgandi sem bíða í ofvæni eftir því að fá að sjá það sem þeir "mega ekki sjá" sýna það með augljósum hætti. Þetta er ekki frétt heldur léleg aulýsing til að peppa þetta prump upp í augum almennings. Hrönn er svo mikill rebel að það er meiriháttar. Hún er svo frábær að þora þessu og að fara með þetta alla leið. Eða er hún kannski bara þykistunni rebel sem hefur ekkert að segja og er að reyna að skora einhver stig á gefið mér athygli skalanum...

Ég hef komist að þeirri niðurstöðu fyrir sjálfan mig að myndin verður að öllum líkindum nokkuð fyndinn en að sama skapi léleg og innihaldslaus. Ég hef enga trú á því að fólk nenni eitthvað að hlaupa í bíó til að glápa á heimildamynd um að fegurðarsamkeppnir séu asnalegar kroppasýningar. Þetta er eitthvað sem ég vissi alveg og hef vitað í mörg ár. Sorry, ég fer ekki í bíó til að sjá eitthvað einkaflipp hjá Hrönn. En fyrir hönd einkalífs og almennrar persónuverndar þá vona ég að þessi mynd verði bönnuð á forsendum laga um Persónuvernd.

Virkjanaleyfi til Kárahnjúka: Alþingi er búið að gefa stimpil til Landsvirkjunar um að reisa virkjun í Fljótsdal. Ég er ekki alveg viss um hvað það þýðir vegna þess að ég veit ekki til þess að neinn vilji byggja verksmiðjur til að nýta rafmagnið sem verður búið til. En það sem sló mig var að leyfið var afgreitt með 44 atkvæðum gegn 9, tveir sátu síðan hjá.

Þetta er bara nokkuð mikill einhugur í þessu stóra máli. Ég var á þeirri skoðun að mun fleiri þingmenn væru ósáttir við þetta mál. En greinilegt að ég hef miskilið eitthvað. Ég hefði kosið á móti...

Leikir og brauð er það eina sem fólkið þarf: Hérna er alveg stórmerkileg afþreying í gangi. Ég veit barasta ekki hvað ég á að kalla þetta en þú kemst að því að 2 mínútum og ég lofa þér að þetta kemur þér á óvart á einn eða annan hátt.

Úr sveit í borg: Var í þessu að skríða inn fyrir landamerki Reykjavíkur. En ég hef eytt helginni fyrir austan fjall. Gott að skreppa svona en maður er orðinn svo samvaxinn tækninni að maður finnur til fráhvarfseinkenna. Fyrsta frétt sem ég las þegar ég fékk moggan í hendurnar gekk út á að nú sé verið að selja þennan líka fína sumarbústað í landi Þingvalla. Ég meina er þetta einhver spurning. Ríkið hlýtur að kaupa þennan kofa strax. Þetta gæti orðið svona forstjóraíbúð fyrir reksturinn í Valhöll.

Ég er alveg kominn með plan og áætlanir fyrir framtíðarskipulag á svæðinu. Hef reyfað nokkrar hugmydir hér og ég skil bara ekki hví Þingvallanefnd hefur ekki hringt í mig, þeir hljóta að vera æstir í að borga einhverjum himinn há ráðgjafarlaun. Hey ég er maðurinn, ef þið þekkið einhvern í nefndinni segið þeim frá mér ég hef reynslu í skipulagsmálum og stjórnun. Tek stundum til í íbúðinni minni og hef verið í föstu sambandi í 4 ár...

Ríkið er búið að kaupa hótel. Hótel Valhöll heitir það heillin. En hvað skal gera við hótel sem heitir það sama og húsnæði Sjálfstæðismanna í Reykjavík... hérna eru nokkrar afbragðs hugmyndir.

Tillaga 1: Stofnað veður elliheimili fyrir alþingismenn. Svona alþingismannaráð líkt og sjómannadagsráð. Gamlir alþingismenn sem muna ekki hvað þeir gerðu í gær yrði svo hrúgað þarna í kippum. Eða er alþingi í núverandi ástandi að sinna þessu hlutverki. Ég meina Páll Pétursson er ráðherra og Sturla veit ekkert hvað hann er að gera... hvað er Jóhann Sigurðardóttir líka gömul.

Tillaga 2: Svona sumarhús fyrir ríkisstarfsmenn. Í líkingu við orflofshús út um allt land. Skúringakerlingin í Seðlabankanum gæti þannig verið í herberginu við hliðina á Davíð Oddsyni. Svona æðislegur samfélagslegur jöfnuður í sumarfríinu. Ráðamenn myndu þannig fá ógeð af jöfnuði á sumrin og gera eitthvað í róttækt yfir vetrartímann.

Tillaga 3: Búum til safn um... bara eitthvað... svona fyrir túristana um víkingana og svoleiðis, náum í myglaðar bækur og ryðguð sverð og látum hlaða upp í nokkur stykki torfbæi þarna við hliðina. Fólk getur svo fengið að teyma beljur niður að vatni...

Skrítnir Bakþankar: Björgvin Guðmundsson skrifar bakþanka í Fréttablaðinu í dag. (sjá baksíða Fréttablaðsins)

Í pistli sínum fer Björgvin mikinn en aðalega fer hann þó mjög skrítinn og er inntak textans ótrúlegt. Hann fjallar þar um virkjanaáform og íslenska erfðagreiningu og dregur einhvern það undarlegasta samansem merki þar á milli sem ég hef séð í langan tíma.

Í fyrsta lagi bendir hann á að ef virkjana ferlið hefði algjörlega verið á herðum einkafyrirtækja hefði hér risið upp álver einn, tveir og þrír. Auk þess sem að þjóðin myndi varla taka eftir slíku einkavæddu álveri. Í mesta lagi myndi þó þjóðin skv. Björgvini taka eftir ágóðanum í formi hagsældar.

Hjá Björgvini virðist ekki möguleiki á að fólk yrði ósátt við framkvæmdirnar á nákvæmlega sömu forsendum og fólk mótmælir álveri í dag. Ber þar að nefna umhverfisleg áhrif sem og að álver á Austurlandi mun leysa fæsta þá vanda sem því er ætlað að leysa. Það er óvitaskapur að halda því fram að framkvæmdir af þessari stærðargráðu verið síður umdeildar ef þær eru stundaðar af einkafyrirtækjum. Aldrei hefur verið farið út í sambærilega framkvæmd á Íslandi og það er einfeldni að halda því fram að einkafyrirtækjum myndi leyfast að framkvæma slíkt athugasemdalaust.

Í framhaldi spegulerar Björgvin í íslenskri erfðagreiningu og spyr "hver man til dæmis eftir því að hafa verið andvaka yfir því hvort Íslensk erfðagreining hæfi hér störf ?" Svo virðist að blaðamaðurinn Björgvin hafi gleymt að lesa blöðin síðustu 5 ár eða svo. Því mig minnir að það hafi margir velt vöngum yfir starfsemi íslenskrar erfðagreiningar. Það er enginn á móti að fyrirtæki hefji hér rekstur. En viðfangsefni fyrirtækjanna geta orkað tvímælis og oft þarf að meta fyrirtækja hagsmuni við aðra hagsmuni í landinu. Í þessu samhengi man ég ekki betur en að starfsemi íslenskrar erfðagreiningar hafi verið hér mjög umtöluð í nokkur ár. Gagnagrunnurinn sem er víst forsenda þess að fyrirtækið geti starfað hér var að mörgum talinn ólöglegur. Uppspruttu fjörlegar umræðu um einkalíf, persónuupplýsingar og eðlilegan farveg fyrir rannsóknir upp úr heilsufarsupplýsingum.

Björgvin virðist í þessum pistli sínum vera á móti málfrelsi. Ég tel mig vita að svo er ekki en pistillinn gefur ekkert annað til kynna. Hann kallar umræður um álver "kæfandi umræður" og er merkilega neikvæður út í almenn skoðana skipti er tengjast málinu. Ég taldi Björgvin vilja standa vörð um frelsi einstaklingsins. Í pistili sínum virðast hagsmunir alþjóðlegra fyrirtækja skipta hann meira máli og kom það mér mjög á óvart því oft hef ég lesið betri pistla eftir strákinn.

Veðmál í borginni - framh. Veðmál standa nú þannig:

8 R-listi Bóas (óbreytt ástand næstu 4 árin)
7 D-listi

9 R-listi Halldór (R-listi fer á kostum)
6 D-listi

7 R-listi Jón Hákon (Björn borg og félagar bíta frá sér)
8 D-listi

Veðmál í borginni Nú hef ég stofnað til veðmáls við svila minn Halldór Björnsson í tengslum við komandi sveitastjórnakosningar. Mikið er í húfi því veðjað er í gerjuðum drykkjum. Líkurnar eru gefnar 2:1 þar sem Halldór telur að R-listinn muni bæta við sig einum þingmanni. Ég tel að óbreyt ástand muni halda. Leggst þetta því þannig út að ef ég vinn mun ég fá greidda eina kippu af bjór en ef hann vinnur þá á hann inni tvær.

Veðbankinn er opin fyrir áhugasama. Athuga ber þó að að vinningar skulu innbyrtir í votta viðurvist og endurgreiddir ef ekki tekst að neyta þeirra á einni kvöldstund.

Með von um að einhver veðji við mig þá býð ég góðar líkur á því að Frjálslyndir og óháðir nái meirihluta. Einnig býð ég gríðalega góðar líkur á því að 7 maður á þeim lista Hrönn Sveinsdóttir verði næsti forseti borgarstjórnar. Ég meina búum við ekki í lýðræðisríki þar sem allt er hægt.

Gallup - símakannanir. Nú virðast Gallupmenn eitthvað ósáttir við merkingar í næstu símaskrá. Fólki bauðst að mér skilst sú þjónusta að merki yrði sett við númer viðkomandi sem gæfi til kynna að viðkomandi vildi ekki hringingar frá sölumönnum og tilboðsgjöfum ýmiskonar. Ég fann ekkert um þetta á heimsíðu Símans í fljótu bragði. En ég heyrði viðtal við Gallupmann í fréttum þar sem hann taldi að þessar merkingar gætu ekki átt við skoðanakannanir líkt og Gallup og fleiri fyrirtæki bjóða upp á. Þetta eru eðlileg viðbrögð frá Gallup því þetta er risa mál fyrir skoðannakannanna bransann í landinu. Þjónusta sem þessi getur og mun að öllum líkindum skemma eða trufla þessa annars ágætu leið til að stunda skoðannakannanir þ.e. í gegnum síma.

En sem komið er þykir þetta ein sú allra fljótvirkasta leið til að mæla viðhorf hjá stórum hóp. En þessi leið byggir þó á því að fólk er truflað heima við og það beðið um að svara misjafnlega löngum spurningalistum ókeypis. Þessar ókeypis upplýsingar eru svo seldar fyrirtækjum út í bæ, og þarna liggur hundurinn. Þetta er viðskiptalegt hagsmunarmál. Gallup o.fl. gera út á það að þeir geti spurt alla sem eiga síma og þar með fengið sem besta úrtakið fyrir rannsóknir sínar. En ef stór hluti af notendum Símans neitar að verða fyrir áreitum af þessum toga. Þá eru þessar skoðannakannanir lítils virði.

Það er að mínu viti ljóst að ef fólk hengir miða á útidyrahurðina sína og segir "enga sölumenn" þá myndi ekkert sómasamlegt fyrirtæki banka upp á. En spurninginn er hvort Gallup er að selja eitthvað. Um það er deilt. Í þeirra dæmi er viðhorf viðmælandans söluvara og hann er beðinn um að svara nokkrum spurningum, sem síðan verða seldar. Þannig að þetta snýst að mínu viti aðeins um stigsmun. Gallup er að hringja í fólk því þeir eru að selja þessar upplýsingar.

Gallup segist þó draga sín úrtök úr þjóðskrá og því eigi þessar merkingar í símaskrá ekki við og að skoðanakannanir séu ekki sölumennska. En ég skildi þessi rök ekki. Ef fólk vill ekki verða fyrir áreitum fyrirtækja út í bæ. Þá skiptir ekki máli hvort þau eru að gera selja bækur, tryggingar eða spyrja spurninga.

Að mínu viti á fólk að geta valið sig frá sölumönnum og skoðannakönnunum. En einnig verða fyrirtæki eins og Gallup að gera sér grein fyrir því að hráefni eru sjaldnast ókeypis. Nú þegar samkeppni er komin á símamarkað og skoðannakönnunar markað þá er mál að berjast um kúnnann. Það liggur því ljóst fyrir að skyndi skoðannakannanir líkt og Gallup gerir munu þurfa að aðlagast eða deyja.

Því þurfa þessi fyrirtæki að gefa mér betri ástæðu fyrir því að svar fyrirspurnum þeirra en það sem nú er. Þar sem ég er aðeins að búa til pening handa þeim. Mér finnst mjög eðlilegt að viðmælendum fái t.d. eitthvað fyrir að upplýsa um eigin viðhorf. Má í þessu dæmi sjá fyrir sér frípunkta á fríkortin, bíómiða, aflslætti ýmiskonar o.s.frv. Það má ljóst vera að áreiti af þessum toga munu aðeins fara vaxandi á næstu árum og ef ekki er hugað að viðmælendum þá verða engir viðmælendur eftir. Sumir eru nú þegar búnir að láta merkja við sig í símaskránni og sumir eins og ég segja bara alltaf nei, hef ekki tíma og skella á.

Kannski ættu Gallupmenn að reyna að hringja í mína líka og í allt fólkið sem merkti við og spyrja okkur af hverju við séum að láta svona.... En kannski er það einmitt þess vegna sem þeir eru að hringja, ég veit það svei mér þá ekki. Kannski ég segi já næst...

Bóas

30.4.02

27.4.02

26.4.02

25.4.02

24.4.02

23.4.02

22.4.02

21.4.02

20.4.02

19.4.02

16.4.02

15.4.02

13.4.02

12.4.02

11.4.02

10.4.02

8.4.02

7.4.02

4.4.02

2.4.02

1.4.02

Previous Posts

Archives